विकासाचा अनुशेष मोठा, मात्र विकासाचे प्रश्न मार्गी लावू :- आमदार आशुतोष काळे
कोपरगाव प्रतिनिधी:--कोपरगाव विधानसभा मतदार संघात विकासाचा अनुशेष मोठा आहे. हा अनुशेष भरून काढण्यासाठी मतदार संघातील जनतेच्या आशीर्वादाने सत्ताधारी पक्षाचा आमदार होण्याची संधी मिळाली. मिळालेल्या संधीचे सोने करतांना महाविकास आघाडीचे सरकार स्थापन होताच काही महत्वाचे प्रश्न मार्गी लावण्यात यश देखील मिळाले. मात्र संपूर्ण जगावर आलेल्या कोरोना संकटामुळे करण्यात आलेल्या लॉकडाऊनने देशासह राज्याचे आर्थिक बजेट कोलमडले. त्यामुळे आर्थिक अडचणी निर्माण होवून मिळणाऱ्या विकास निधीत घट झाली आहे. तरीदेखील याचा परिणाम मतदार संघाच्या विकासावर होवू देणार नाही. विकासाचा अनुशेष जरी मोठा असला तरी भविष्यात विकासाचे प्रश्न नक्की मार्गी लावू अशी ग्वाही आमदार आशुतोष काळे यांनी दिली.
कोपरगाव तालुक्यातील तिळवणी येथे सन २०२०-२१ जिल्हा नियोजन योजनेअंतर्गत २१.७३ लक्ष निधीतून करण्यात येणाऱ्या तिळवणी ते येवला हद्द व सावळगाव येथे २१.७३ लक्ष निधीतून करण्यात येणाऱ्या सावळगाव ते ओगदी रस्त्याच्या डांबरीकरण व मजबुतीकरण कामाचे भूमिपूजन आमदार आशुतोष काळे यांच्या हस्ते पार पडले याप्रसंगी ते बोलत होते.
यावेळी पुढे बोलतांना ते म्हणाले की, कोरोना संकटामुळे राज्याचे उत्पन्न कमी झाल्यामुळे निधी कमी मिळाला असला तरी मिळणाऱ्या निधीतून दर्जेदार विकासकामे करण्यावर भर देत आहे. कोरोनाचे संकट नसते तर मोठ्या प्रमाणात निधी मिळाला असता. सत्ताधारी पक्षाचा आमदार असतांना किती निधी मिळतो हे मतदार संघातील जनतेला दाखवून दिले असते. निधी कमी मिळत असल्यामुळे माझे पण समाधान होत नाही त्यासाठी सातत्याने मतदार संघाच्या विकासासाठी निधी मिळविण्यासाठी प्रयत्न करीत असून त्या प्रयत्नातून विकासाचा अनुशेष नक्की भरून निघेल असा आशावाद आमदार आशुतोष काळे यांनी व्यक्त केला. यावेळी तिळवणीचे नवनिर्वाचित सरपंच गोविंद पगारे व उपसरपंच नानासाहेब गायके यांचा आमदार आशुतोष काळे यांनी सत्कार केला.
यावेळी पंचायत समिती सभापती सौ. पौर्णिमाताई जगधने, उपसभापती अर्जुन काळे, कर्मवीर शंकरराव काळे सहकारी साखर कारखान्याचे उपाध्यक्ष सुधाकर रोहोम, संचालक बाळासाहेब बारहाते, कारभारी आगवन, राष्ट्रवादी युवकचे तालुकाध्यक्ष चारुदत्त सिनगर, जिनिंग प्रेसिंगचे चेअरमन गोरक्षनाथ जामदार, सांडूभाई पठाण, राहुल जगधने, सरपंच गोविंद पगारे, उपसरपंच जयश्रीताई गायके, नाना गायके, अशोक वाघ, संदीप शिंदे, चंद्रकांत गायके, पोपट शिंदे, पुंडलिक चक्के, भाऊसाहेब शिंदे, शिवाजी वाघ, आण्णा शिंदे, ज्ञानेश्वर पगारे, निलेश वाघ, राजेंद्र गायके, रवींद्र चक्के, भास्कर शिंदे, अक्षय घुले, तसेच शिरसगावच्या सरपंच सौ. मंगलताई उकिरडे, अरुण गायकवाड, सौ. वैशालीताई भवर, अशोक उकिरडे, देविदास भोरकडे, भाऊसाहेब उकिरडे, बद्रीनाथ उकिरडे, अण्णासाहेब उकिरडे, विनायक उकिरडे, दादासाहेब उकिरडे, रेवणनाथ उकिरडे, आंबदास गायकवाड, पोपट गायकवाड, गणेश कुऱ्हाडे, सुदाम उकिरडे,सार्वजनिक बांधकाम अभियंता प्रशांत वाकचौरे, ग्रामसेवक योगेश देशमुख आदींसह ग्रामस्थ उपस्थित होते.
0 Comments